KFGVRFI34

के तपाईं पनि ‘टी ब्याग’ राखेर चिया पिउनुहुन्छ ? हुन सक्छन् यस्ता गम्भीर समस्या

0

नेपालमा पानी पछि सबैभन्दा बढी चियाको सेवन गरिन्छ । धेरै मानिसको दिन चियाको चुस्कीबाट सुरु हुन्छ । यस्तै, जो मानिसहरू फिटनेस र स्वास्थ्यको विषयमा जागरूक छन्, उनीहरू ग्रिन टी पिउन रुचाउँछन् । आजको समयमा व्यस्त जीवनशैलीका कारण मानिसले केही कुराका लागि पनि पर्याप्त समय पाउँदैनन् । यही कारणले गर्दा सबै थोक बनाउने छोटो तरिका प्रख्यात बन्दै गएको छ । सामान्य रूपमा चिया वा ग्रिन टी बनाउन धेरै समय लाग्छ, यो समय कम गर्न मानिसहरूले टी ब्याग प्रयोग गर्ने गर्छन् । घरदेखि अफिससम्म मानिसहरू ग्रिन टी वा चिया पिउन टी ब्याग प्रयोग गर्छन् । तर टी ब्यागको प्रयोग शरीरका लागि हानिकारक छ भन्ने कुरा धेरैलाई थाहा छैन । यसको सेवनले क्यान्सरजस्ता गम्भीर रोगको खतरा बढ्न सक्छ । आउनुहोस् यसबारे विस्तृतमा जानकारी लिऔँ ।

चिया वा ग्रिन टी छिटो तयार गर्ने चक्करमा मानिसहरू टी ब्यागको प्रयोग गर्ने गर्छन् । यसले चिया वा ग्रिन टी तयार गर्न धेरै झन्झट हुँदैन । तौल घटाउनदेखि फिट हुनसम्म मानिसहरू टी ब्यागको प्रयोग गर्छन् । आजको समयमा विभिन्न खालका फ्लेभरको हर्बल टीका टी ब्याग बजारमा उपलब्ध छन् । तर यस्ता टी ब्यागबाट निस्कने हानिकारक तत्त्वले शरीरलाई गम्भीर हानी पुर्याउन सक्छ । टी ब्यागबाट निस्कने तत्त्वले क्यान्सरजस्ता घातक रोगको खतरा पनि निम्त्याउँछ । टी ब्यागको विषयमा गरिएका अनुसन्धानले सो कुरा दाबी गरेको छ ।

भारतको आरोग्य हेल्थ सेन्टरका क्लिनिकल डायटिसियन डा. वी डी त्रिपाठीले यसको हानी बारे जानकारी दिएका छन् । यसबारे उनी भन्छन्, ‘केही कम्पनीले टी ब्याग बनाउन विभिन्न खालका रसायनको प्रयोग गर्छन् । यी रसायनहरू पानीमा घुलिएर शरीरमा पुग्छन् र शरीरलाई हानि पुर्‍याउँछ । टी ब्यागमा एपिक्लोरोहाइड्रिन नामको तत्त्वको कोटिङ गरिन्छ जुन क्यान्सरजस्ता गम्भीर रोगको कारक तत्त्व हुन् ।’

टी ब्यागमा राखिएको चिया वा ग्रिन टी पिउँदा शरीरलाई हानी

१. टी ब्यागमा पाइने हानिकारक रसायनले शरीरलाई हानि पुर्‍याउन सक्छ । यसले क्यान्सर जस्ता रोगको जोखिम बढाउँछ ।

२. टी ब्यागमा अतिरिक्त क्याफिन हुन्छ, जसले शरीरलाई हानि पुर्‍याउँछ ।

३. यसको अत्यधिक सेवनले रगतमा ग्लुकोज बढाउन सक्छ ।

४. प्लास्टिकको टी ब्यागमा भएको चिया वा ग्रिन टी पिउनाले शरीरलाई गम्भीर हानि पुर्‍याउन सक्छ ।

टी ब्यागको प्रयोग गर्नुको सट्टा तपाईंले पत्ती भएको चिया वा ग्रिन टी मात्र सेवन गर्नुहोस् । छिटो गर्ने चक्करमा मानिसहरू धेरैजसो टी ब्यागको प्रयोग गर्छन् । केही टी ब्याग फुड ग्रेड नाइलनले बनाइन्छ । यी टी ब्यागमा भएका केमिकल्सले शरीरलाई रोगी बनाउन सक्छ त्यसैले सधैँ हर्बल वा सामान्य पत्ती भएका चिया वा ग्रिन टीको मात्रै सेवन गर्नुहोस् ।

You might also like
Leave A Reply

Your email address will not be published.

KFGVRFI34