KFGVRFI34

पिम्पल र दाग बाट छुटकारा दिलाउने काँचो दूध,कसरी प्रयोग गर्ने ?

0

काँचो दूधको प्रयोगले छालाको धेरै समस्या हटाउन सकिन्छ किनभने दूधमा मोइस्चराइजिङ गुणहरू हुनुका साथै यसमा ल्याक्टिक एसिड हुन्छ । यसका साथै दूधमा भिटामिन बी, डी र क्याल्सियम आदि पाइन्छ, जसले छालाको लागि निकै फाइदाजनक हुन्छ ।

तपाईले प्रायः देख्नु भएको होला कि केहि मानिसहरु अनुहारमा दूधको क्रीम लगाउँछन्, किनभने यसमा फ्याट हुन्छ, जसले छालालाई प्राकृतिक रूपमा मोइस्चराइज गर्न मद्दत गर्दछ । यहि कारणले गर्दा धेरै स्किनकेयर उत्पादनहरूमा मिल्क क्रीम वा दूधलाई मुख्य सामग्रीको रूपमा प्रयोग गरिन्छ । धेरै मानिसहरुको छाला आफैँमा पनि सुख्खा भइरहने खालको हुन्छ भने केहि मानिसहरु मौसम परिवर्तन,

छालाको हेरचाहमा कमी वा हानिकारक उत्पादनका कारण सुख्खापनको सामना गर्छन् । छाला सुख्खा हुँदा चिलाउने, डेड स्किन, छाला फुट्ने जस्ता समस्याको सामना गर्नुपर्ने हुन्छ । जसबाट छुटकारा पाउन मानिसहरु विभिन्न घरेलु उपाय अपनाउने गर्छन् ।

अनुहारमा काँचो दूध लगाउनाले तपाईंलाई सुख्खा छालाबाट छुटकारा मात्र मिल्दैन, यसले पिम्पल र दागबाट छुटकारा पाउनका साथै नरम र कोमल छाला बनाउन पनि मद्दत गर्छ । तर सुख्खा छालाबाट छुटकारा पाउन काँचो दूध कसरी प्रयोग गर्ने भन्ने बारेमा हामीले यहाँ चर्चा गरेका छौं ।

दूध र महको मास्क लगाउनुहोस्

काँचो दुधमा मह मिसाएर अनुहारमा लगाउन सक्नुहुन्छ । यसका लागि तपाईंले २ चम्चा काँचो दूध लिनु पर्छ, त्यसपछि त्यसमा १ चम्चा मह राम्रोसँग मिसाउनु पर्छ । तपाईं यसलाई फेस क्लिन्जरको रूपमा पनि प्रयोग गर्न सक्नुहुन्छ र कटन बलको मद्दतले आफ्नो अनुहार सफा गर्न सक्नुहुन्छ ।

काँचो दूधमा केरा मिसाएर लगाउनुहोस्

केराले छालाको नमीलाई बन्द गर्न पनि मद्दत गर्छ । तपाईंले काँचो दूधमा १–२ वटा टुक्रा केरा मिचेर हाल्नुहोस् र एक चिल्लो पेस्ट बनाउनुहोस् । यदि तपाईं चाहनुहुन्छ भने, तपाईं यसमा मह पनि मिसाउन सक्नुहुन्छ । यसलाई फेस प्याक जस्तै छालामा लगाउनुहोस्, त्यसपछि यसलाई १५–२० मिनेटको लागि छोड्नुहोस् । त्यसपछि सादा पानीले धुनुहोस् ।

राति अनुहारमा काँचो दूध लगाएर सुत्नुहोस्

राति सुत्नुअघि काँचो दूधलाई सीधै अनुहारमा लगाउन सक्नुहुन्छ । तपाईंले २ चम्चा काँचो दूध लिनुहोस्, त्यसपछि यसलाई कटन बलको मद्दतले अनुहारमा लगाउनुहोस् । यसो गर्दा अनुहार सफा हुन्छ र छाला नरम हुन्छ ।

You might also like
Leave A Reply

Your email address will not be published.

KFGVRFI34