KFGVRFI34

पहिले आफूलाई भगवान् भन्ने व्यक्तिले अहिले किन राक्षस भनिरहेका छन् -कृष्ण कँडेल, २ जना बीच को लफडा के हो त ?

0

लोकगायक तथा कार्यक्रम इन्द्रेणीका संचालक कृष्ण कँडेलले आफूलाई सिध्याउने खेल सुरु भएको बताएका छन् । उनले आफूलाई सिध्याएर देश बन्छ भने आफू तयार रहेको बताए ।

इन्द्रेणी बाट निकालिएका कलाकार रुँदै लाइभमा, कृष्ण कँडेलले अन्यायमा पारेको आरोप ( भिडियो सहित) - छिनोफानो

शुक्रबार राजधानीमा एक कार्यक्रम गर्दै कँडेलले आफूले शर्मिला श्रेष्ठ र कविता लामालाई नराम्रो कुनै गतिबिधि र नजरले समेत नहेरेको स्पष्ट पारे । ‘शर्मिला बहिनीले ममाथि तीनवर्ष अगाडि हेरेष्मेन्ट गरेको आरोप लगाउनु भएको छ’, कँडेलले भने, ‘त्यस्तो हो भने यो तीनवर्ष के हेरेर बस्नु भयो ।’ पहिले आफूलाई भगवान् भन्ने व्यक्तिले अहिले किन राक्षस भनिरहेको छन् भन्दै त्यो आफूले बुझ्न नसकेको कँडेलको भनाई थियो ।

विगत १५ वर्ष अगाडि ७ जनाबाट सुरु गरेको इन्द्रेणी कार्यक्रममा अहिले ३७ जनाभन्दा बढी रहेको बताएका कँडेलले पछिल्लो समय केहीसमय तलब दिन ढिलो हुँदा आफूमाथि विभिन्न आरोप लागेको खुलाए । कँडेलले आफूमाथि लागेको विभिन्न आरोप कपोकल्पित र झुटो रहेको भन्दै खण्डन समेत गरे ।

‘पछिल्लो समय मैले इन्द्रेणीमा थाइ कर्मचारी राख्नसक्ने अवस्था भएन भनेर सबै साथिहरु राखेर विधान बनायौ’, कँडेलले भने, ‘सबैले कार्यक्रम पर्छ र बोलाउछाँै । बोलाएको पारिश्रमिक दिन्छन् भनेर गरेका छौँ ।’ राम्रो गर्दा पनि आफूले भ्रष्टाचार गरे जस्तो गरेर विभिन्न आरोप लाग्दा दुःख लागेको उनले सुनाए । आफ्नो टिमको ५ जना व्यक्तिबाट यस्तो आरोप लाग्छ र अहिलेको परिस्थिति आउला भनेर आफूले कहिल्यै कल्पना समेत नगरेको कँडेलले सुनाए ।

‘इन्द्रेणी सबैको रुने ठाउँ हो । मैले कसैलाई अन्याय गरेको छैन । कसैलाई नचाहिँदो तवरबाट निकालेको छैन’, कँडेलले अगाडि थपे ,‘मेरो बारेमा नेगेटिभ कुरागर्ने, गुटबन्दी गर्ने, काट्छु र मार्छु भनेपछि के गर्ने ।’ कँडेलले आफूले अहिलेसम्म कसैको पैसा नखाएको बताए । उनले थपे, ‘मैले कसैको पैसा लिएर खाएको छ भने छानबिन गर्न सरकारलाई निम्तो दिन्छु ।’ कँडेलले आफू रोडबाट आएको व्यक्ति भएकोले रोडका मानिसलाई हेर्ने बताउँदै आम मानिसलाई बाहिर आएका विभिन्न कुराबाट भ्रममा नपर्न समेत अनुरोध गरे ।

 कारण के हो त ?

यतिबेला सामाजिक सञ्जालमा गायिका शर्मिला श्रेष्ठको एक भिडियो भाइरल छ । भिडियोमा श्रेष्ठले लोकदोहोरी कार्यक्रमका सञ्चालक कृष्ण कँडेलबाट आफू मानसिक हिंसाको शिकार भएको आरोप लगाएकी छन् ।

श्रेष्ठले बाद्यवाधक लक्ष्मीप्रसाद घिमिरे, पूर्णप्रसाद कँडेल, खगेन्द्र विश्वकर्मा र गाडी चालक जीवन टण्डनसहित भिडियोमा इन्द्रेणी कार्यक्रममा आफूमाथि  भएको मानसिक हिंसा खोलेकी हुन् । उनले घरमै लिन गएका कारण इन्द्रेणी कार्यक्रम ज्वाइन भएको समेत बताएकी छन् ।

‘मेरो इन्द्रेणीमा रहेको कार्यक्रम अहिले पनि युट्युबमा हेर्न सकिन्छ । मेरो करियर अझै बिग्रिएको छैन’, शर्मिलाले भनिन्, ‘इन्द्रेणीबाट पनि मलाई विश्वभरि चिन्नु भएको छ । यो राम्रो हो ।’ स्वर राम्रो हुँदा कार्यक्रम चलाएको, नाच्ने गाउने गरेको बताएकी उनले पछिल्लो चरणमा मानसिक टर्चरको कारण स्वर सुकेको बताएकी छन् ।

‘म मानसिक टर्चरका कारण घरमा बस्थे । घरमा सबैले इन्द्रेणी किन नगएको भन्थे’, शर्मिलाले अगाडि भनिन्– ‘मैले के भन्ने, त्यहाँ मलाई हेप्छन् भनेर कसरी भन्ने । म गीत गाउने मानिसलाई नाच्न लगाइन्छ ।’ स्टेज कार्यक्रममा पनि पक्षपात गरेर आफूलाई कहीँ नलगेको  उनको आरोप छ ।

‘स्टेज कार्यक्रमको ४, ५ लाख आफैले डिल गर्‍यो । आफैले मिलाएको कार्यक्रममा आफै सहभागी हुन नपाउने’ उनले भनिन् । श्रेष्ठले थपिन्, ‘आयोजकले भने मलाई ठुलो पल्टिएको, किन कार्यक्रममा नआएको भनेर थर्काउँछन् । यताबाट लाँदैनन् ।’ शर्मिलाले पारिश्रमिक लगायत विभिन्न टर्चरको विषयमा पनि कुरा राखेकी छन् ।

उनले इन्द्रेणी र आफ्नो विषयमा सामाजिक सञ्जालबाट लगाएको आरोपमा भने कार्यक्रम सञ्चालक कृष्ण कँडेलले खण्डन गरेका छन् । उनले सामाजिक सञ्जालमा एक पोस्ट गर्दै आफूले कसैको श्रम तथा सम्मानमा चोट तथा शोषण गर्ने कार्य नगरेको बताए ।

‘आज यस संस्थाका सबै कर्मचारी तथा कलाकारलाई समान व्यवहारको काम गर्दागर्दै पनि केहि कलाकार तथा कर्मचारीहरूले यस संस्था छाडी आज म तथा मैले सञ्चालन गर्दै आएको इन्द्रेणी कार्यक्रमलाई बदनाम गराउन र सिङ्गो संस्थालाई नै धराशायी बनाउन काल्पनिक र बनावटी कुरा राखी अन्तरवार्ता तथा लाइभमा बसेको र पत्रकार सम्मेलन गरेको विषयले म साह्रै दुखित छु’, कँडेलले अगाडि भनेका छन्– ‘झुटा कुरा बोलेको विषयमा कानुनले समेत हेर्छ भन्ने विश्वास राखी म तथा इन्द्रेणी माथि गरेका अफवाह, कपोकल्पित तथा भ्रमित समाचारहरूको विश्वास नगरिदिनुहुन इन्द्रेणीका सम्पूर्ण दर्शक श्रोताहरूलाई हार्दिक अपिल गर्दछु ।’ उनले आफूसँग सम्बन्ध रहेको विषयको समाचार एकतर्फी रूपमा समेत प्रसारण नगरिदिन सञ्चारमाध्यमलाई अनुरोध गरेका छन् ।

शर्मिलाको मानसिक टर्चरको आरोपको विषयमा इन्द्रेणी कार्यक्रमका सञ्चालक कँडेलसँग पटक–पटक सम्पर्क गर्न खोज्दा सम्पर्क हुन सकेन । इन्द्रेणी कार्यक्रम विगत लामो समयदेखि सञ्चालन हुँदै आएको लोकदोहोरी कार्यक्रम हो ।

You might also like
Leave A Reply

Your email address will not be published.

KFGVRFI34