जापानमा छोरा बुहारीलाई भेट्न र भर्खरै जन्मिएका नातीको मुख हेर्न नेपालबाट जापान पुगेका बुवा र आमाको एउटै सवारी दुर्घटनामा परेर दुःखद निधन भएको छ ।
निधन हुनेमा रुकुम पश्चिमका बिष्ट दम्पत्ती रहनुभएको छ । ओकिनावा बस्दै आएका भुपाल बिष्टको आमा बुवाको शनिवार साँझ भएको कारको ठक्करबाट निधन भएको हो ।
साँझ ५:३० बजे उरासो सहरको मियागीमा रहेको जिनोवान सिटी स्ट्याच्यु राष्ट्रिय रुट ५८ बाट ट्राफिक लाइट भएको ठाउँमा हिड्दै गर्दा कारले ठक्कर दिँदा दुर्घटना भएको थियो । तत्काल उद्वारगरी अस्पताल लगिएपनि उहाँहरुको राती ८ बजे निधन भएको चिकित्सकहरुले बताएका थिए ।
दुबै जना बिष्ट दम्पत्ती २ महिना अघी जापान पुगेका थिए ।
पुल निर्माणका कारण मियागी चोक नजिकै सडकमा अस्थायी पैदल यात्रु पदयात्रा बनाइएको थियो, सवारीसाधनको अगाडिको भाग रोकिएको थियो ।
दुर्घटनाको कारणबारे उरासो प्रहरीले अनुसन्धान गरिरहेको बताएको छ ।