त्रिकोणात्मक टी-२० आई सिरिज अन्तर्गत नेदरल्याण्डस खेलमा नेपालले एकै ओभरमा २ विकेट गुमाएको छ । नेपालले तेस्रो ओभरमा ओपनरद्वय कुशल भुर्तेल र आसिफ शेखलाई गुमाएको हो ।
२.३ ओभरमा भिभिएन किग्माको बलमा क्याचआउट हुनुअघि कुशल भुर्तेलले ८ बलमा एक चौका र एक छक्कासहित १२ रन बनाएर आउट भए ।
त्यसपछि त्यसै ओभरको पाचौं बलमा आसिफ शेख बोल्ड आउट भए । जम्मा ८ बल खेलेका उनले एक चौकाको मद्दतमा ८ रन बनाए ।
उनीहरु आउट भएपछि क्रिजमा कप्तान रोहित पौडेल र गुल्सन झा आएका छन् ।
त्रिकोणात्मक सिरिजमा नेदरल्याण्डसले नेपाललाई १२१ रनको लक्ष्य दिएको छ ।